პროფესორი მანანა თანდაშვილი

შედარებითი ენათმეცნიერების ინსტიტუტი, ფრანკფურტის გოეთეს უნივერსიტეტი, გერმანია

მანანა თანდაშვილი არის შედარებითი ენათმეცნიერების ინსტიტუტის პროფესორი და ფრანკფურტის გოეთეს უნივერსიტეტის (იოჰან ვოლფგანგ გოეთეს უნივერსიტეტის) კავკასიის მეცნიერებათა განყოფილების ხელმძღვანელი. იგიაქტიურად თანამშრომლობს როგორც ქართულ, ასევე ევროპის წამყვან სამეცნიერო ცენტრებთან.

მანანა თანდაშვილი თბილისის ივანე ჯავახიშვილის სახელობის სახელმწიფო უნივერსიტეტის კურსდამთავრებულია და დღემდე ინარჩუნებს მჭიდრო პროფესიულ ურთიერთობას ქართველ კოლეგებთან. ეს ნათლად აისახება მის მიერ განხორციელებულ პროექტებში, რომელთაგან აღსანიშნავია:

• “არმაზი – კავკასიური ენები და კულტურები: ელექტრონული დოკუმენტაცია” (1999-2002), შესრულებული პროფესორ ი. გიპერტთან ერთად და Volkswagen Stiftung-ის ფინანსური მხარდაჭერით (Armazi Project);
• “ენობრივი მდგომარეობა დღევანდელ საქართველოში” (2006-2009);
• “ქართული ენის ეროვნული კორპუსი”;
• “დიგიტალური რუსთველოლოგია” და სხვა.

ასოცირებული პროფესორი იგბალე მიფთარი-ფეტიში

ბალკანეთის საერთაშორისო უნივერსიტეტი, ჩრდილოეთ მაკედონია

შეფასება AI ეპოქაში: გამოწვევა თუ აუცილებლობა თანამედროვე განათლებაში?

იგბალე მიფთარი-ფეტიში არის ინგლისური ენისა და ლინგვისტიკის პროფესორი საერთაშორისო ბალკანეთის უნივერსიტეტში. მას აქვს მაგისტრისა და დოქტორის ხარისხი ინგლისური ენის სწავლების (ELT) დარგში, მიღებული სამხრეთ-აღმოსავლეთ ევროპის უნივერსიტეტში (SEEU). ამჟამად იგი საერთაშორისო ბალკანეთის უნივერსიტეტის საგანმანათლებლო ფაკულტეტის დეკანია, ამასთანავე The International Journal of Education and Philology-ის მთავარი რედაქტორი და IBU-ის თვითშეფასებისა და ეთიკის კომიტეტების წევრია. მას აქვს 18-წლიანი გამოცდილება უნივერსიტეტის სტუდენტებისთვის ინგლისური ენის სწავლების, კვლევისა და სამეცნიერო ნაშრომების გამოქვეყნების სფეროში.

გამოქვეყნებული სამეცნიერო ნაშრომებია:

• “კითხვის გაგება განსხვავებული პერსპექტივიდან: შემთხვევის შესწავლა ჩრდილოეთ მაკედონიის უმაღლეს სასწავლებლებში” (2022);
• “სამედიცინო ენის სწავლების თანამედროვე საკითხები” (2022);
• “პროფესიული განვითარება და სასწავლო პრაქტიკის დაკავშირება: უსასრულო მოგზაურობა” (2024, Eliva Press).

ამჟამად მუშაობს ახალ წიგნზე სახელწოდებით: “ლიტერატურისა და აკადემიური უნარების ინტეგრაცია კითხვის პროცესში.”

მისი კვლევის ინტერესებია: სწავლების თანამედროვე მეთოდები, მასწავლებელთა პროფესიული განვითარება, ენის შეფასება, სწავლების დაგეგმვა და მეორე ენის ათვისება.