პროფესორი ლელა აბდუშელიშვილი

შავი ზღვის საერთაშორისო უნივერსიტეტი, საქართველო

ლელა აბდუშელიშვილის 25-წლიანი სამუშაო გამოცდილება განათლებისა და ჰუმანიტარული მეცნიერებების სფეროს უკავშირდება. იგი არის ასოცირებული პროფესორი შავი ზღვის საერთაშორისო და კავკასიის უნივერსიტეტებში. მას აქვს კვალიფიკაციები კემბრიჯის (CELTA) და ჰარვარდის (Bok უმაღლესი განათლების სწავლების სერტიფიკატი) უნივერსიტეტებიდან. ლელა ასევე არის კორპორატიული ტრენერი და პოზიტიური ფსიქოლოგიის კონსულტანტი ადამიანური რესურსების, ლიდერობის, ორგანიზაციული ქცევისა და ბიზნეს კომუნიკაციის სფეროებში. ის ევროკავშირის სერტიფიცირებული ტრენერი და მსოფლიო ბანკის თარჯიმანია. მას ქართულად უთარგმნია ფილიპ კოტლერის “მარკეტინგის პრინციპები” და მაიკლ არმსტრონგის “ადამიანური რესურსების მენეჯმენტის პრაქტიკის სახელმძღვანელო”. ლელას მონაწილეობა აქვს მიღებული მრავალ საერთაშორისო კონფერენციაში და სარეცენზიო კომიტეტის წევრია. მისი პუბლიკაციები განათლების, სწავლების მეთოდოლოგიის, ბიზნეს კომუნიკაციისა და ორგანიზაციული განვითარების სფეროებშია.

ასოცირებული პროფესორი იგბალე მიფთარი-ფეტიში

ბალკანეთის საერთაშორისო უნივერსიტეტი, ჩრდილოეთ მაკედონია

შეფასება AI ეპოქაში: გამოწვევა თუ აუცილებლობა თანამედროვე განათლებაში?

იგბალე მიფთარი-ფეტიში არის ინგლისური ენისა და ლინგვისტიკის პროფესორი საერთაშორისო ბალკანეთის უნივერსიტეტში. მას აქვს მაგისტრისა და დოქტორის ხარისხი ინგლისური ენის სწავლების (ELT) დარგში, მიღებული სამხრეთ-აღმოსავლეთ ევროპის უნივერსიტეტში (SEEU). ამჟამად იგი საერთაშორისო ბალკანეთის უნივერსიტეტის საგანმანათლებლო ფაკულტეტის დეკანია, ამასთანავე The International Journal of Education and Philology-ის მთავარი რედაქტორი და IBU-ის თვითშეფასებისა და ეთიკის კომიტეტების წევრია. მას აქვს 18-წლიანი გამოცდილება უნივერსიტეტის სტუდენტებისთვის ინგლისური ენის სწავლების, კვლევისა და სამეცნიერო ნაშრომების გამოქვეყნების სფეროში.

გამოქვეყნებული სამეცნიერო ნაშრომებია:

• “კითხვის გაგება განსხვავებული პერსპექტივიდან: შემთხვევის შესწავლა ჩრდილოეთ მაკედონიის უმაღლეს სასწავლებლებში” (2022);
• “სამედიცინო ენის სწავლების თანამედროვე საკითხები” (2022);
• “პროფესიული განვითარება და სასწავლო პრაქტიკის დაკავშირება: უსასრულო მოგზაურობა” (2024, Eliva Press).

ამჟამად მუშაობს ახალ წიგნზე სახელწოდებით: “ლიტერატურისა და აკადემიური უნარების ინტეგრაცია კითხვის პროცესში.”

მისი კვლევის ინტერესებია: სწავლების თანამედროვე მეთოდები, მასწავლებელთა პროფესიული განვითარება, ენის შეფასება, სწავლების დაგეგმვა და მეორე ენის ათვისება.